陳小春澳門騷 感觸有負羅文
張智霖李承鉉驚喜助陣
長駐內地發展的陳小春（小春）日前於澳門銀河藝館舉行第24場「生旦淨末丑」個人巡迴演唱會，小春整晚幾乎每part都又唱又跳，全無休息，當晚更邀請張智霖及李承鉉做嘉賓，並特設致敬恩師羅文的環節，小春更自認「衰仔」，有負羅文。
演唱會甫開始小春已氣勢如虹，單手吊威吔降落舞台，勁歌熱舞瞬間點燃現場，幾首歌後，向觀眾打招呼：「多謝大家一直等我，終於返到大灣區！可以講廣東話，爽！」整個演唱會，以「生旦淨末丑」分為五個主題，觀眾稱讚他仍是一流舞台王者。小春笑道，「嘩，唔係唔係，我只係dancer出身，爛船都有三分釘啫。」
曾為多名巨星伴舞
整晚觀眾跟他於台上大合唱，到「神啊救救我」時，觀眾更是唱不夠，待他唱完，再現場大合唱一段給他聽，令小春十分開心。
演唱會中特設致敬恩師羅文的環節，小春獻唱《親情》時，大熒幕上播放早年對羅文說多謝的對話片段，感謝這位樂壇巨星的提攜與教導，「我好鍾意《親情》呢首歌，咁自己又係『豹小子』（羅文伴舞團）出身，羅記都帶咗我去好多地方登台演出，不過嗰陣自己仲細，當年又真係幾紅嘅，梅艷芳，譚詠麟，張國榮好多人搵我伴舞，咁就衰仔咗，同羅記玩咗一陣『豹小子』就同佢講我唔做啦，後來諗番有少少有負於佢， 但係我個心始終都係記住呢位恩師㗎！」
