歐聯阿仙奴皇馬大勝 曼城續低迷
歐聯昨晨上演聯賽階段倒數第2輪，阿仙奴憑加比爾捷西斯梅開二度，加上約基利斯末段擴大比數，作客3:1擊敗國際米蘭後，以7戰全勝姿態，成為首支提早鎖定直接晉身16強淘汰賽資格隊伍。主帥阿迪達賽後對爭冠話題仍有保留：「依家講仲為時尚早，我哋目標係帶住奪冠希望進入5月，繼續努力去保持能量同雄心壯志。」
另一支倫敦球會熱刺亦走出低谷，主場2:0擊退德甲多蒙特，令主帥湯馬士法蘭克得到喘息空間。不過有人歡喜有人愁，剛在「曼市打吡」不敵曼聯的曼城，則明顯持續低迷，作客挪威球隊波杜基林特，在洛迪卡斯簡迪62分鐘被逐下以1:3落敗，賽後7戰得13分跌落第7位，幸仍然有望直接晉級16強。
至於西甲皇馬在艾比路亞帶領下大踢爭氣波，倒戈的麥巴比梅開二度，主場6:1大炒摩納哥，7戰累積15分，直接出線機會高唱入雲。艾比路亞賽後說：「今仗證明球迷支持嘅重要性，有佢哋支持，我喺喺主場就係偉大嘅球隊。」消息指，皇馬高層雖然有在今夏尋找一名正式主教練打算，但如果艾比路亞領軍在季尾取得好成績，例如贏得西甲或歐聯冠軍，就有望取得長期合約。
