兩童坐滑板高速落斜掀爭議
日前網上流傳一段短片，可見兩男童共乘一塊滑板，於港島大坑道斜路極速俯衝，過程中充滿純真笑聲，不少網民看後笑言童年回憶返晒嚟，但亦有人擔心造成危險，不諱言「撞到人就唔好啦」。
回憶冇價 vs 最驚撞親老人家
有網民在Threads分享在車內拍攝到的動感短片，只見兩名男童齊坐在長形滑板向斜路高速俯衝，期間不斷發出興奮的尖叫聲，途人則紛紛閃避，兩童最後失控「炒車」倒地。
影片引發熱議，有網民力撐認為這是真正的滑板精神，「一定有人話危險，但係童年就係要咁！」、「炒一次，比人鬧一次，但開心一世」、「真！回憶係冇價！有時諗起係好開心 」、「唔好框死啲小朋友，冇晒創造力」有網民則擔心造成危險：「危險，撞到人就唔好啦」、「最驚係撞親老人家」，網民意見呈兩極走向。
