後生仔用2蚊優惠斷正 網民撐港鐵「做得好」
政府推行2元乘車優惠，旨在鼓勵長者及合資格殘疾人士出行融入社會，但卻不時出現違規濫用情況。近日社交平台廣傳一段短片，顯示一名染金髮年輕男子疑在港鐵黃大仙站不當使用2元乘車優惠，遭港鐵職員截停並帶往職員室處理，短片引發熱議，網民大讚港鐵職員「做得好」，並認為需加強打擊相關違規行為。
有網民周日（18日）在Threads上載長約14秒短片，並留言「兩蚊黨罪犯落網」。片中可見一男一女港鐵職員帶着一名金髮年輕男子前行，男職員邊走邊與金髮男子交談，女職員跟隨其後，金髮男則不停觀看手機，最後三人循職員室門口進入，影片亦完結。
揶揄呃兩蚊冇啲大志
網民大讚港鐵職員「好絕」、「做得好」，並異口同聲譴責金髮男惡行，高喊「見一個捉一個」，不少人更揶揄道：「咁早想用$2，幾時先到老？」、「呃兩蚊冇啲大志」、「冇錢就行路啦」更有網民刻薄地說：「地鐵可唔可以提供黑布蒙頭？最多加錢」。
另有網民提到：「經常見過閘時燈亮，但望吓佢很後生。男女都有，地鐵要加大力度打擊！」，但亦有人認為不應妄下判斷：「後生仔女都可以係兩蚊客，傷殘人士無樣睇㗎（癌症、精神病、器官移植、痙攣、ADHD……）。淨係睇樣就覺得他人濫用太武斷喇。」有網民則慨嘆：「要慳都有好多合法途徑，如星期五去超市買特價嘢；買少件衫……」
根據《香港鐵路附例》，若發現乘客違規使用2元乘車優惠或逃票，港鐵可向違例乘客徵收1,000元附加費。
