盃賽飲恨 PSG搵里爾出氣
法甲第18輪，班霸巴黎聖日耳門（PSG）主場出戰第4位里爾。實力大超班的PSG今季諸事不順，剛於周二凌晨法足盃主場被巴黎FC踢出局，令主帥安歷基大為震怒。今夜續在主場出戰近況不濟的里爾，有決心爭取大勝一吐烏氣，PSG讓一球/球半都撐上盤。（NOW 643台周六4:00am直播）
上季幾乎贏盡一切錦標的PSG，今季只在歐聯賽場保持水準，聯賽輸過給馬賽及摩納哥，現時仍以一分落後平民球隊朗斯，今晚有追分必要。何況球隊剛在法足盃32強戰主場踢首都打吡，面對同城弱旅巴黎FC全程佔盡上風，射門次數23:4，但最終卻不停浪費機會，以0:1飲恨，錯失連續3屆捧盃機會，回師聯賽必須作出回應；里爾近期因傷兵眾多狀態大跌，近期於聯賽及法足盃連敗，無論質態都比PSG差，何況下周中歐霸還要作客西班牙對切爾達，今仗難全力搏殺。里爾近4次作客對巴黎聖日耳門全敗，近兩季分別輸1:3及1:4，今場亦難望扭轉頹勢。
