婆婆7仔買點數卡 醒目店員勸阻獲讚
電騙案件沒完沒了，對長者來說更是防不勝防！近日社交平台Threads瘋傳一段發生在便利店的好人好事，有女網民直擊一名年長婆婆懷疑墮點數卡騙局，幸機警的收銀員察覺有異，拒絕處理交易並出言勸阻，終助客人化解危機，正義行徑惹來熱議。
樓主帖文開首即寫道：「係咪有單騙案準備發生？」指日前在便利店目擊一名拖手推車婆婆到櫃枱向店員了解如何購買點數卡，店員察覺事有蹊蹺，當場拒絕處理收款，並力勸婆婆「唔好買」，着她先詢問家人。雖然婆婆聲稱家人知情，但隨後卻接獲一個可疑來電，對方不斷催促她「快啲買」，令情況更添可疑。
店員見狀並未退縮，反而更堅定向婆婆分析，直言即使是親人要求購買也要核實清楚。樓主形容職員當時採取拖延策略，以收銀機無法處理等理由拒絕立即收款，冀為婆婆爭取時間冷靜應對。影片顯示婆婆手持多張點數卡，但在店員的堅持下最終未能完成交易，驚險避過詐騙一劫。
阿婆買點卡 一定俾人呃
帖文一出引起網民熱烈討論，絕大部分人均斷定是詐騙案無異，有網民解釋說「阿婆連點數卡點買都唔知，分分鐘連買乜都唔知啦，似比人呃喎！」；有人怒斥「正冚家X，阿婆錢都呃」、「報警啦，趁店員拖住佢」；亦有網民講笑道「古有阿婆行得快，一定有古怪；今有阿婆買點卡，一定俾人呃」，但亦有人直言「啲騙徒唔係流㗎，佢哋好識捉心理，所以唔好笑受害者，幫到就幫」。
