李佳芯長期受濕疹困擾
藝人李佳芯（Ali）昨日到中環出席慈善畫展，透過作品帶出關注皮膚健康訊息。愛畫畫的Ali指多年來一直有畫油畫，但因沒有時間限制，多數放在家的畫作也是未完成的作品，為了今次活動特意完成兩幅畫作。
Ali席間透露入行後開始出現皮膚問題，尤其每逢拍劇因壓力和作息時間而例必出濕疹，「我個人係容易有壓力，開工對自己有要求，有要求就自然有壓力，更加要學識調節情緒。今次拍《義和》都幾吃力，因為角色都好多情緒，又要打鬥、又要喊、又要畀人追殺，普遍都係唔好嘅情緒，對我嚟講到係有壓力嘅場口。今次都有濕疹呀，又病咗，狀態都差，呢啲都係開工伴隨嘅嘢，拍完再好好調理。」
