衰多口 艾摩廉炒魷
和列斯聯後向曼聯高層「開火」
經車路士日前炒領隊馬利斯卡後，英超另一老牌球會曼聯昨日步其後塵，宣布辭退主帥艾摩廉！「紅魔鬼」暫時將會由球會名宿費查暫代領軍，帶隊在周三深夜英超作客對般尼。
艾摩廉今次突然同曼聯分手，根本有跡可尋。「紅魔鬼」前日英超作客賽和列斯聯1:1後，艾摩廉於記者會上突然「開火」：「我嚟呢度係擔任曼聯領隊（管理球隊），唔係單純做主教練，呢一點一開始就好明確。我知道，我唔係杜曹、干地或摩連奴呢啲鼎鼎大名人物，但我係曼聯領隊，喺餘下18個月合約期內、或者直到董事會決定改變之前，都應該咁樣。」他續指：「我會做好我嘅工作，而每個部門，包括球探、體育總監，都需要做好佢哋嘅工作。我唔會辭職，我會做好我嘅工作，直至另一個人嚟代替我為止。」
艾摩廉對列斯聯一役排出令人費解的陣容，正選陣容中竟有6名後衛，包括利辛度馬天尼斯、約羅、艾登希雲、達洛治、梳爾以及杜古；中場則派出卡斯米路和烏加迪。陣容因傷兵及非洲國家盃徵召而嚴重不整，結果再次和波，曼聯賽後20戰累積31分雖然仍處上游，但被榜首的阿仙奴拉開17分。
球迷鬧爆對列斯聯排陣
賽後，紅魔球迷在社交平台紛紛留言批評排陣：「咁樣排陣應該要炒！」「當年雲高爾傷兵滿營時會用青訓，艾摩廉寧願用6後衛加卡斯米路同烏加迪，呢個係史上最差嘅曼聯正選！」艾摩廉疑似不滿曼聯管理層，指出早前變陣改踢4後衛，是由於球隊如要踢3中堅就需要大肆增兵，而曼聯沒有足夠轉會預算支持，外界估計他因此與管理層有磨擦。他在賽後發言的潛台詞，明顯就是說：「如果你哋唔打算支持我，就乾脆炒我啦！」
球會官網昨天旁晚宣布解僱艾摩廉，聲明中提及艾帥自2024年11月上任，曾在去年5月領軍打入歐霸盃決賽，並協助球隊目前在英超排名第6，為球隊提供爭取更好成績基礎，而現時正是作出轉變的理想時機。曼聯並感謝艾摩廉對球隊作出的貢獻，祝願他有美好將來。
