《金童》票房報捷 張家輝現身撐場
「踢爆」張繼聰爆肌靠醫美
籌備長達8年並由張繼聰（阿聰）主演拳擊片《金童》，日前正式上映後短短兩日內票房已衝破100萬，大受觀眾歡迎！在前晚（22日）舉行的特典場中，驚喜邀來影帝張家輝現身，共同為電影謝票助陣。家輝更發揮搞笑本色，指阿聰一身肌肉是靠醫美完成。
阿聰連日來不停四出謝票，太太謝安琪在前日謝票場更擔任司儀，認真恩愛！席間張家輝突然現身，觀眾隨即驚喜歡呼！家輝表示因忘記出席首映，故怎樣也要現身謝票場，他又發揮搞笑本色，大講棟篤笑：「我今日嚟主要原因，想講佢呢身肌肉係『打假波』，其實以依家嘅醫學美容嚟講，左臉高又得右臉高又得，一字眼又得，反白眼又得，嘔白泡又得。」
建議另開一部《玉女》
家輝更早有準備，用伸縮棒指着阿聰半裸紙板的胸肌說：「大肌肉嚟講，3萬6一塊填充劑，韓國料，兩邊就2萬8，數落去下面一粒粒係Botox嚟，2千6一粒，逐粒計！成副嚟講都係十幾萬，如果大家有錢都可以打到咁，唔使練，你哋想唔想，想嘅話，你哋搵阿聰介紹邊間醫學美容。」他又問大家是否支持阿聰：「支持嘅話，就叫佢開多一部叫《玉女》。」再指住阿聰紙板的胸肌說：「玉女就易搞，只係搞呢度嘅啫！」令全場爆笑！
對於電影票房衝破100萬元，阿聰指所有觀眾都是他的努力原因及回報：「多謝你哋每一位，每一個喺網上留言嘅，我睇到都一定會回覆。」
