草蜢新加坡巡演 蔡一傑術後大勇
憶已故髮型師好友淚灑舞台
草蜢日前在新加坡完成重新啟動的巡迴演唱會「RE:GRASSHOPPER」首站，也是蔡一傑接受腦部手術後回歸巡演舞台的重要一場。狀態極佳的他當天感謝觀眾耐心等待，激動高呼：「好耐冇見！我話過我會迅速好番，再返嚟同大家見面，今晚就係我哋嘅Party Night！」
演唱會以多首快歌揭開序幕，一口氣跳唱《好戲在後頭》、《華麗舞台》、《三分鐘放蹤》、《紅唇的吻》、《今晚停了電》、《失戀》和《ABC》。蔡一傑稱：「可能有朋友會擔心我嘅狀況，但我可以同大家講，我同以前冇乜分別，大家不用擔心，今晚我玩得非常開心。」蘇志威也被現場歌迷的熱情感染，大呼好玩。
演唱會中，草蜢特別選唱《You've Got a Friend》，悼念已故戰友、髮型師Jacky Ma，大屏幕播放多張草蜢與Jacky的合照，三子綵排時看到片段已忍不住落淚。蔡一傑分享：「我真係好掛住Jacky，綵排時喊完一輪，正式演出就唔敢再望屏幕，怕一喊就唱唔到。諗起以前世界各地嘅演出都有佢陪伴。」而在安歌環節上，三子即興加插點唱環節，引得全場大合唱。
師父梅艷芳帶出埠嘗大牌檔
演出空檔期間，草蜢拉大隊到當地著名大牌檔消夜，黑椒炒蟹、燒雞翼、魚蛋等美食擺滿一桌。蔡一傑回憶起首次隨師父梅艷芳來新加坡演出的點滴：「我第一次出埠就係嚟新加坡，已經三十年冇去過呢個大牌檔。」
