姚樂怡久休拍劇 演師奶素顏上陣
家庭為重未來接戲看劇本
現年52歲的姚樂怡（Sherming）最近在HOY TV首部原創劇《我愛九龍城》演出，相隔10年沒有拍劇的她日前在訪問中分享接拍原因，她強調以家庭為重，未來再接戲要考慮角色是否適合，「我而家仲好享受同囡囡一齊瞓，周末同佢去玩，但如果遇到好嘅劇本，我又會忍唔住想拍。」
問到久休復出拍劇，姚樂怡表示，「因為台前幕後都係識於微時，然後劇本好感動，我好鍾意自己嘅角色。我係泰臣太太，劇中個名叫婉君，我喺劇中都幾霸氣。照顧成頭家。我喺呢套劇有兩個好大嘅女， 17、18歲，一個係隱青、一個係邊緣少女。」
對於在劇中「師奶」一角，經常需要素顏上陣，她說：「開頭監製試造型嗰陣要整啲黑眼圈我嘆，佢話唔夠，要殘啲。（平時點保養？）我真係唔懶，日日都敷面膜，我發覺皮膚好過啱啱生完小朋友。」
姚樂怡2012年下嫁圈外人吳俊匡後，兩人育有一女。問到與女兒的相處時，她指：「我個女9歲，佢會話媽咪同我瞓，陪我沖涼，瞓瞓吓覺又叫我陪佢去廁所，我都好耐冇試過連續瞓8個鐘。」但她強調非常享受這種親子樂。
文頌嫻授「教女經」
她透露好友文頌嫻曾傳授「教女經」，「因為要照顧個女，佢又好黐我，我開頭訓練佢自己瞓，但係我又唔狠心。文頌嫻話你唔好理，你由佢喊，佢喊到攰就會瞓。所以佢個女好細個已經自己瞓，但係我做唔到，所以開頭湊佢嗰幾年我真係冇時間，有時間都抖吓，仲敷咩面膜，懶咗幾年皮膚真係差啲。」
