摩連奴倒戈 喧「賓」奪主
車仔殘陣 態沉防線曳
歐聯聯賽階段第2輪矚目大戰，「寸王」摩連奴倒戈，帶領葡超賓菲加作客鬥英超車路士！兩軍在歐聯首輪齊齊輸波，都志切重返正軌，車路士實力及對賽往績都有優勢，不過近況低沉防線崩潰，面對作客硬淨的賓菲加勢陷苦戰。摩連奴重返史丹福橋球場注定喧賓奪主，賓菲加受讓一球博下盤。（NOW 638台周三3:00pm直播）
車路士今夏捧得世冠盃後，休息時間較少，開季頭3場英超都是倫敦打吡，結果賽和水晶宮、擊敗韋斯咸及富咸共搶7分。不過踏入9月後未能保持，近5場正式賽事1勝1和3負，唯一勝仗只在英聯盃小勝甲組仔林肯城2:1，其餘歐聯不敵德甲拜仁慕尼黑，近期英超亦接連敗在曼聯及白禮頓腳下，這5場比賽場場失波共失11球。球隊傷兵亦多，後衛利維高維爾、艾達拉比奧約、韋斯利科芬拿、中場伊素高及箭頭利安戴納正養傷，在首輪對拜仁取得球隊唯一入球的王牌高爾彭馬，也加入了傷兵行列。
車路士領隊馬利斯卡在前線可用兵源有限，從曼聯來投、仍未展示令人信服表現的加拿祖，今仗隨時會被迫擔正。車路士歷來4次於歐戰與賓菲加碰頭，於2012至13年頭3次於歐聯及歐霸對賽，全部以一球差距小勝，此後直至3個月前的世冠盃16強，於美國中立場再遇，法定時間賽和1:1，車路士加時贏波並最終捧盃，但從未試過贏賓菲加超過一球。
賓菲加近30戰僅一敗
賓菲加自今年3月，去屆歐聯作客不敵巴塞隆拿後，近30場正式賽事只輸過一場，當中12場作客10勝2和未輸過！只在今屆歐聯首仗，主場領先兩球下意外遭阿塞拜疆球隊卡拉巴克反勝。不過亦因這場敗仗，導致領軍一直穩定的前主帥般奴拿治下台，會方邀得摩連奴回歸後，領軍3戰2勝1和，今晚倒戈對車路士成為焦點。摩連奴說：「返到史坦福橋就好似返屋企一樣！今晚我住喺倫敦嘅囝囝都會入場睇波。我喺車路士有好多朋友同回憶，不過我同馬利斯卡都決心喺今場贏波，所以一切都留番比賽之後再講啦！車路士係世界冠軍，不過我哋必須為輸畀卡拉巴克所失嘅3分作出補償！」
