關智斌空中飛舞 鋼管倒掛金鈎
Tyson識分莊閒拒除衫
關智斌（Kenny）一連兩場在啟德體藝館舉行《The Endless Adventure Live in Hong Kong》演唱會，前晚（27日）尾場順利完成，首場懸浮半空的Pole Dance環節，因支柱鬆脫未能完成動作，Kenny尾場終於成功表演用腳夾柱，做出高難度的倒掛金鈎。
尾場嘉賓是歌手Tyson Yoshi，二人合唱《1994》，穿貼身Tee的Tyson，與穿得密實的Kenny相映成趣，歌迷就不斷大叫兩人除衫，Tyson則淡定地說：「除衫要睇場合嘅，我哋呢啲做後輩，最主要係識分莊閒吖嘛，我係唔會除嘅！」Kenny更補充說：「兩個一齊除就唔係咁嘅票價㗎啦！」笑翻全場。
Kenny的演唱會以Peter Pan為主題，自言像長不大的小孩，至於努力是否一定會成功？Kenny指：「佢會用一個佢嘅時間表話畀你知，你嘅努力值唔值得有一個回報，當覺得值得嘅時候，就會話畀你知。」
Mani促張致恒減肥
騷後Kenny回應尾場在街頭健身架失手跌下一事，他稱沒有受傷，兩日演唱會都發生小意外，首場鋼管鬆脫，尾場就發生健身架意外，承認是自己疏忽。談及舊拍檔張致恒稱未準備好所以缺席，Kenny則說：「之前訪問都講過，覺得大家都係同步，佢Ready我Ready。」此時，身旁的經理人Mani（霍汶希）插口：「我唔Ready呀！叫佢（張致恒）減完肥先出嚟啦！」
