盧慧敏顏色系列集齊紅白綠
盧慧敏（Amy）今年決戰樂壇，繼《Red Flag》和《白牆》之後，新歌《綠縈》MV前日（15日）上架，成為顏色系列第三擊，更自組3人mini crew遠赴日本長野取景。
Amy指新歌擊中她內心深處，「《綠縈》係由一份我好鍾意嘅歌詞、好鍾意嘅旋律，加埋而成嘅好東西，好開心同好好嘅團隊合作，多謝公司讓我自己去拍呢一個MV。（拍攝團隊陣容？）我有一個好好嘅朋友，佢就帶埋佢嘅朋友一齊，加埋我就組成呢個mini crew。」Amy認為今次拍攝最困難，並非因人手短缺，「好困難，因為啲地方太靚，好難去揀喺邊個地方拍。」
