羅啟豪跳出斯文做「黑仔」
《中年好聲音》超班靚聲王羅啟豪，全新單曲《小鬼主意》剛在全球音樂串流平台上架，MV亦已於前晚（9日）首播。MV中啟豪跳出平日斯文形象，飾演一名「黑仔」，由朝到晚頭頭碰着黑，畀老細施壓、女友放飛機仲畀人淋水，搞鬼情節令人會心微笑！
啟豪說：「小時候覺得好多限制，經常被催吃飯、做功課，以為長大就會好自由，誰知原來成人更多束縛，現在又想做回小朋友！」雖然啟豪小時候不算叛逆難教，但也曾令家人相當頭痛，他搞笑自爆：「我專注力不足，默書記極都記唔到，激到屋企人幾乎嘔血，好想『鍊』死我！我又成日同二家姐打交同鬧交，為咗分開我哋，屋企人本來想先送二家姐去英國讀書，點知我哋鬧還鬧，其實感情好好，結果我哋兩姊弟都係一齊去英國讀書！」
