黃澤林凱旋 更相信自己
初步目標前100 終極贏大滿貫
黃澤林（Coleman）成為公開賽年代首位躋身大滿貫正賽圈的香港球手，隨着在美網32強止步，昨日他與父母一起返港，精神奕奕步出接機大堂，獲近30名傳媒在大堂守候，分享這趟美網之旅的心路歷程。
回想過去一星期的連場激戰，特別是在32強硬撼世界排名15的盧比利夫一役，黃澤林說：「比賽喺Grandstand打（美網第3大比賽場館），對啱啱開始職業生涯嘅我，係好大一件事，對於佢哋（父母）嚟講都好特別。」Coleman今次復仇澳洲好手禾頓，又與世界排名15的盧比利夫打足5盤，充分展現世界級實力。他坦言獲益良多：「今次要打4盤同5盤，打咗好多場比賽，大滿貫氣氛好唔同，每一日要做嘅嘢都唔同。」
這名21歲港將笑道：「喺更衣室周圍見到唔同球手，旁邊就係祖高域、仲有艾卡拉斯，總之好多我平時喺電視見到嘅球手。」他續回味說：「我以為會距離好遠，其實你唔打落去，就唔知道相差有幾多！」面對盧比利夫時，他稱對戰時沒有想太多：「喺球場度八千幾人望住我，我就係為咗喺咁大嘅舞台去享受比賽。」他又指獲得盧比利夫稱讚，對他來說是很特別的經歷。
黃澤林坦言最大目標是贏大滿貫，現在仍未是時候，但不會因為今次突破而感到壓力，努力實現進入世界前100的初步目標：「我有信心可以做到，尤其今次贏咗兩個前100名球手，同世界第15又打足5盤，我知道自己嘅實力去到邊。」他直言美網後更相信自己：「32強係一個好大嘅肯定，同16強僅差一步，我完全有呢個能力，我都覺得自豪！」
港人都可以做職業球手
連日在美網聽到不少香港球迷打氣吶喊聲如「加油」、「We Are Hong Kong」，響徹球場，為黃澤林注入強大動力，他不忘感謝港人支持，「其實好唔容易，去到紐約都咁多香港球迷支持，叫我加油，又有好多唔同人士支持我嘅說話，全部都收到晒！」他鼓勵香港人勇敢追夢：「打網球唔係為咗入大學，香港人都可以做到職業球手。」黃澤林在美網後排名由173位暫時升至146位，攀升27位，成為男單排名第8高的亞洲球手。
