梳士貝利忙護級 放生華素爾
同日另一場英錦標，英乙梳士貝利與華素爾對決。兩軍近年走勢一起一落，上季仍是英甲球隊的梳士貝利，近年因為財困及管理層失敗，戰績逐年下滑，近幾季已由英甲中游分子愈踢愈沉，上季英甲包尾降班，但淪落英乙竟然低處未算低，現時又排在尾二位置，現階段根本無力分心盃賽，推介華素爾客勝。（開賽時間：周三2:00am）
梳士貝利降班後6場聯賽未贏過，只得兩分而且合共僅入兩球，前線鋒力弱得可憐，早前英聯盃首圈亦以1:3不敵甘士比，目前首要目標是聯賽及早開齋，避免一降再降，今場預期會派出多名副選，應付重要性較次比賽；華素爾踏入今年狀態勇銳，上季在英乙排名第4，只因附加賽失利未能升班。今季開季後持續勇態，在英乙6戰4勝排名第6，早前英聯盃作客越兩級挑戰英冠球隊史篤城，亦力戰至互射12碼才被淘汰。球隊目前士氣正盛，強陣出擊作客亦可睇高一線。
