林家謙邀張栢芝合唱自肥
林家謙一連十場演唱會，每晚嘉賓都有驚喜，前晚（8月30日）驚喜則是久未在台上演唱的張栢芝。栢芝束了兩條長長的孖辮裝配上淺色紗裙，神采飛揚。當林家謙介紹她出場時，全場歡呼聲不絕。
兩人先是拖手合唱《任何天氣》，繼而林家謙緊張笑道，「好癲呢件事，我醒未？（自己打自己一下）好開心，真係唔知點講，從何說起……」栢芝則指：「我好耐冇唱《任何天氣》，自己係新人18歲喺紅館嗰陣都唱過，我好緊張……」家謙叫工作人員拿出栢芝的CD，「你係我第一個買唱片嘅歌手，嗰隻碟叫《Destination》，之後《不一樣的我》，你可唔可以同我簽個名呀？」現場隨即起哄家謙再次自肥集郵。
