面對緋聞影響 規範言行免誤會
去年，龍婷與已婚演唱會製作人丘亞葵爆出「Hello Kiss」事件，令其形象大受影響，時隔一年，記者問龍婷現時的感情生活，她再三強調入行後真的沒有追求者：「我聽人講，話我呢個人畀人好有距離感，同埋我好惡，有TVB同事話起初識我時唔敢同我講嘢，覺得我好冷（Cool）同好嚴肅。」現年44歲的她不諱言都想物色另一半，但不會以尋找另一半為目標。至於與丘生的緋聞可會令追求者卻步？龍婷說：「真係冇，我哋做呢行都會經歷嘅過程，發生咗，首先我要去對關心我嘅朋友講唔好意思，但都要面對，件事都會過去。」問她在這件事上學到什麼？她笑說：「我真係幾紅㗎！」繼而她再正經說：「要將自己的言行規範啲，（同熟朋友都唔敢玩得癲，以免有所誤會？）都係。」
