周日復出鬥菲悍將 曹星如要找回初心
38歲的曹星如相隔八年後重返職業擂台，周日在菲律賓馬尼拉展開復出首戰，遭遇當地拳手施雲奴（Vergilio Silvano）。對手職業生涯成績是21勝18負2和（12KO），賽事將以6回合形式進行。Rex早前特意前往菲律賓進行兩星期集訓，找來數位左樁拳手重點演練。昨日公開訓練時表示除了狀態有所提升外，亦是一次對自己的警醒：「最後一次演練唔小心俾對手打傷嘴唇，提醒咗自己比賽時要更加小心，因為比賽用8安士拳套而且冇頭盔，危險性會更大，集訓第一個星期表現好差，不過第二個星期已經搵番節奏，依家狀態相當唔錯！」
曹星如曾創下職業賽22戰全勝紀錄，但其後因左眼受傷暫別拳壇，昔日的「神奇小子」如今已年屆38歲，但Rex始終未能放下拳擊：「有時覺得好多年輕人爭住認老，但其實『老』係唔係咁重要？睇到有啲拳壇前輩復出，40幾歲都可以打足12個回合，我唔知仲可以打多幾耐，如果身體許可，我甚至想能打到50歲！」Rex指今次復出是為了找回初心，會好好去享受同專注比賽。
