曼聯輸波贏口碑 艾摩廉向列強叫板
英超昨晨上演首輪焦點「仙魔大戰」，結果曼聯因一個爭議性失球，主場以0:1不敵阿仙奴，但球迷目睹球隊全場佔上風的表現，賽後都收晒貨！
此役唯一入球出現在上半場13分鐘，阿仙奴開出角球時，中堅沙利巴一直干擾曼聯門將比恩迪亞，並在後者想跳起「打手槌」前出手拉人和輕微作推撞，最終導致比恩迪亞未能解圍，皮球飛向遠柱由卡拉費奧利門前撞入，但球證未有判罰，入球有效。曼聯之後未有亂了陣腳，更一直圍攻對手，兩大新兵馬菲奧斯根夏及麥比奧莫表現搶鏡，可惜未能把握臨門一腳，最終曼聯在全場佔有62%控球率，並製造出22次射門（7次命中目標）下，仍不敵只有9次射門（3次命中目標）的阿仙奴。
「魔粉」在落敗後對球隊表現仍感到滿意，完場後全場球迷起立鼓掌支持球隊。主帥艾摩廉賽後說：「我為球員演出感到驕傲，佢哋充滿鬥志，雖然有啲細節尚有改善空間，但今場證明我哋有能力擊敗任何英超對手。」
