揭張晉心臟病發細節 蔡少芬嘆險變寡婦
集合蔡少芬（Ada）、汪明荃（阿姐）的邵氏新劇《風華背後》昨日進行拜神儀式，Ada與阿姐兩大視后率領朱茵、黃宗澤、蔡潔、譚俊彥亮相。早前Ada丈夫張晉自揭今年4月曾心臟病發緊急送院，可謂死過翻生。Ada昨日披露當時一家人在新加坡外遊，老公忽然無法呼吸，自己誤以為老公感冒，回港後張晉經電腦斷層掃描發現有血管堵塞逾80%，需即時做支架，她回想道：「我差少少做咗寡婦！」
採、攝：梁靜儀
《風華背後》卡士強勁，昨日劇組安排譚俊彥、黃宗澤送上蛋糕為阿姐提早慶生，令她笑逐顏開。早前張晉自爆突然心臟病發，Ada大談當時險境：「嗰時我哋一家人喺新加坡玩，佢突然呼吸唔到，3月都試過，所以我問過醫生亦幫佢做咗心電圖測試，心電圖很靚仔沒事。」Ada稱突然動彈不得：「老公講唔到嘢要到一邊坐低，之後即時聯絡醫生，心諗係咪感冒？我無向（心臟病）依方面諗。」
爆丈夫血管堵塞逾80%
她指隔日傾偈時，張晉話『望住我哋四個（Ada與子女），如果自己瞓低了，可能見唔到你哋，我一定唔可以讓自己瞓低要企翻起身，結果我企起身！』Ada聽到丈夫的肺腑之言也流淚。事後回港經電腦斷層掃描發現有血管堵塞逾80%，要即時做支架。她透露：「我知道時甚至跪地喊，依家先知一剎那可以永別，幸好沒事，如果有事我一定會癲！」
阿姐稱家英哥錫傳媒
Ada直言事後夫妻更珍惜彼此，身為四川人的張晉更為健康戒油戒辣，她回憶道：「我差少少做咗寡婦！佢差啲客死異鄉。」至於張晉已返內地工作，要多做帶氧運動保健康。至於阿姐坦言繼《華麗轉身》後逾10年沒拍劇，與Ada合作已是逾20年前的《創世紀Ⅱ天地有情》，今次卡士亦覺吸引。阿姐說：「相信開工唔會太辛苦，只係為戲中兩個女兒蔡少芬、朱茵嗌交激動。」提到羅家英早前受訪被阿姐罵他「亂講嘢」，阿姐笑言：「佢講得太多，就係怕傳媒無嘢寫，不過我都唔知佢做訪問。」
