自嘲身材走樣 羅子溢拒着單車衫
無綫新節目《好嘢講多啲》現正熱播，日前《東張西望》播出馬國明、羅子溢分享拍攝《好》的感受，子溢在節目中會與車神黃金寶探索香港單車徑及共融通道等。子溢多年來以「大隻仔」形象見稱，馬明特別化身記者，八卦問子溢拍攝時可有着緊身單車衫騷線條，他搞笑回應：「我冇乜身材着嗰套緊身衣喎。」馬明即笑笑口抽水：「你冇身材？」子溢尷尬回應：「我唔同之前，以前拍劇集《衝線》着單車衫，比較立體啲，但依家心理未有準備，又唔係踩緊單車所以我要求着短褲得唔得！」他直認節目組確實安排了單車褲，馬明即笑言：「你着得起喇！」馬明咄咄逼人，場面搞笑。
