PSG捧歐超盃 熱刺新帥為表現自豪
昨晨上演的歐洲超級盃，歐聯盟主巴黎聖日耳門（PSG）苦戰至比賽末段仍落後0:2，最終憑後備入替的李康仁及干卡路，於85分鐘及補時4分鐘接連建功追成2:2平手，最後更在互射12碼階段以4:3勝出，首度捧得歐超盃。
基於今夏參戰世冠盃，PSG休息及復操時間較遲，只準備了一星期並未有踢熱身賽，開賽後所見狀態明顯不及熱刺。即使有較多控球時間，卻被熱刺的雲迪尹及基斯甸羅美路先後破關，一度陷於落敗邊緣，可幸最終靠後勁及運氣幫助，完成逆轉。教頭安歷基賽後承認表現差：「我認為熱刺更值得贏波，佢哋有更好狀態，不過有時足球就係咁唔公平！」
至於熱刺新帥湯馬士法蘭克（圓圖），認為已看到球隊有好的轉變：「我哋頭75至80分鐘表現接近完美，大家都傾盡全力，我為佢哋自豪！」熱刺在早前電信盃慘敗於拜仁後，決定改用3中堅陣式，法蘭克說：「我哋殘陣對PSG當然唔容易，但非常之接近成功！如果用醫學術語嚟講，就係『手術成功，但病人死了』！」
