曼聯攞頭威 捧英超挑戰盃
麥比奧莫首戰好腳頭
「紅魔鬼」曼聯昨晨出戰英超夏季系列賽最後一場比賽，以2:2賽和愛華頓，憑總成績2勝1和成功捧盃。新兵麥比奧莫首度登場立即擔任正選兼捧盃，證明極好腳頭，演出更獲得領隊艾摩廉好評。
上月才由賓福特來投，忙於轉會較遲展開操練，麥比奧莫直到今場對愛華頓才首次為新東家落場，並被安排與般奴費南迪斯、阿密特迪亞路、同另一新兵馬菲奧斯根夏合作攻堅，盛傳將會善價而沽的海倫先列後備。曼聯於上半場18分鐘先開紀錄，般奴費蘭迪斯射入由迪亞路博得的12碼；愛華頓完半場前5分鐘由伊利文尼戴耶近門射入扳平。麥比奧莫半場退下火線，美臣蒙特則在57分鐘入替，此子在69分鐘接應般奴傳送後，在禁區內轉身妙射得手，助曼聯再度領先。只是曼聯未能維持勝局，於75分鐘因為18歲小將希芬的烏龍波，被「拖肥」逼和2:2。
雖然與隊友默契未足，但只出戰上半場的麥比奧莫在一些第一時間彈傳處理、埋門入楔或罰球處理都顯示級數。主帥艾摩廉賽後亦大讚這位喀麥隆鋒將：「單睇上半場同隊友嘅連繫同走動，就可以感受到佢有幾出色！麥比奧莫會係我哋新球季重要一員，依家佢體能未足，亦有啲地方需要改善，不過相信經過一段時間之後，就可以完全適應！」
曼聯憑之前連贏韋斯咸及般尼茅夫，以兩勝一和成績贏得今次系列，該隊於兩周後英超首戰主場迎擊阿仙奴前，尚會於周六在奧脫福友賽費倫天拿。談到今場比賽的表現和對贏得夏季系列賽冠軍的感受時，艾摩廉則回應指：「我哋今場嘅進攻非常出色，但中後場遇上對手壓迫有啲吃力，仲有好大改善空間。不過捧到盃當然係美事，可以畀我哋以強勢準備新球季到來。」
般奴費南迪斯要求增兵
雖然曼聯在今次挑戰賽表現不俗，但隊長般奴費南迪斯仍然要求高層繼續增兵：「贏波係曼聯嘅重要文化，我哋上季令到球迷失望，今季必須要畀佢哋有番笑容！我認為球隊仍然有需要再增添一至兩名高質素新兵，提升競爭力！」曼聯行政總裁奧馬貝拉達則表示，球隊每日也在努力跟貼轉會市場形勢，只要有合適球員進入市場便會堅決出手引援。
