張振朗偷師睇戲 鋪路做導演
出席《長安的荔枝》首映
張振朗今年行運一條龍！繼年初奪得視帝殊榮後，又有機會拍電影，以及在廣州舉行處男音樂會。前晚他入場欣賞電影《長安的荔枝》，目的是向該片導演兼演員大鵬偷師，瓣數多多的他似要向全能藝人發展。
張振朗、陳庭欣、莊思明與楊明等前晚出席電影《長安的荔枝》首映，問張振朗為何不與女友楊偲泳到場睇戲？他笑言：「有一班同事、好朋友陪，同埋我係嚟跟《長》片嘅導演大鵬偷師。」之前他看過大鵬於《第八個嫌疑人》的演出，覺得對方演技很厲害，問到是否想當導演？他笑言目前未夠資格，先做好演員本分。
本月20日38歲生日的他笑言於颱風中度過：「生日撞正颱風係唔錯嘅安排，因為我鍾意『宅』喺屋企，加上親朋好友十幾人喺屋企幫我慶祝，好開心。」他透露女友送了新款相機作生日禮物，並指今年挑戰多個第一次，先在年初拿下視帝獎項，又參與拍電影，早前更與姚子羚到廣州開騷，反應不俗，但因籌備時間太趕，覺得自己仍有進步空間，今次吸收了經驗，希望下次做得更好。
問到處男音樂會有什麼深刻事情？張振朗說：「真係好搞笑，明明觀眾係買飛入場，但我叫佢哋跳就跳，叫佢哋大叫就大叫，真係好熱情，加上家人朋友都有出現。（姚子羚男友徐偉棟都有出現？）我唔清楚，你問佢啦，人哋嘅事我唔講。」他期待跟姚子羚的CP組合能到不同地方演出。
陳庭欣想考匹克球教練執照
陳庭欣早前在社交平台上載素顏打匹克球的照片，她笑言：「為免嚇親街坊，其實化咗好淡嘅底妝，哈哈！」她讚關楚耀開設的場地設備完善，波友不乏足球員等，問到男友豈不是很擔心？她笑言：「佢最擔心我同關楚耀打波，因為關楚耀太勁，每次同佢打波都會撞傷，同佢打波等於啟動咗自虐模式，因為佢係持牌教練，我就執波執到有腹肌。」
陳庭欣透露關楚耀有意組星級教練團，她亦希望早日考獲教練執照，但不會放棄滑水運動。她自爆去年原定為籌款節目表演邊滑水邊轉呼拉圈，但遇上颱風天而擱置，希望今年能成事：「仲構思緊，希望有啲創意，可能一邊滑水一邊吞劍或者跳火圈。」
