蔡一傑病癒復出 Dry再現舞台
陳慧琳尾場個唱驚喜連連
陳慧琳（Kelly）前晚在紅館舉行尾場演唱會驚喜連連，邀得草蜢擔任嘉賓，是蔡一傑去年接受腦部腫瘤切除手術後首次公開表演。Kelly透露開騷期間遇上颱風，卻意外促成另一驚喜，就是馮德倫（Stephen）與音樂總監雷頌德（Mark）重組Dry，相隔多年再現舞台。
草蜢於Kelly個唱壓軸登場，合唱《熱力節拍Wou Bom Ba》及《打開天空》。今次是蔡一傑做手術後首次公開表演，狀態大勇。傑仔坦言很感謝Kelly邀請：「喺我做完手術出嚟公布消息後，Kelly係第一個發訊息畀我，佢好擔心我，佢仲同我講『哎呀，你個頭開咁大條疤，好心痛呀﹗你要快啲好番呀，加油呀』。佢不斷鼓勵我，跟住仲要讚我光頭依然咁型仔﹗」他讚Kelly人緣好，工作拍戲出色，待人真誠多年未變，Kelly開心說：「從你口中講出嚟，肯定係真嘅。」之後草蜢唱新歌《老的辣》，蔡一智更當場邀請Kelly擔任草蜢明年4月紅館演唱會的嘉賓。
至於Stephen與Mark重組Dry，跟Kelly合唱《紀念日》，炒熱全場氣氛！Mark表示上次3人同台已是11年前，並讚50歲的Stephen依然有型。Mark搞笑稱當年Dry解散原因是賺不到錢：「賺得最多係粉絲送嘅公仔，但公仔唔可以當飯食。」
Kelly答應任草蜢演唱會嘉賓
Kelly完騷後受訪，提到演唱會期間受颱風影響，她稱最大損失是差點錯失與鄭伊健首次在港合唱的機會，但意外促成Stephen擔任嘉賓，因對方原定行程受天氣影響，反而有空前來。她又指邀得傑仔擔任嘉賓非常感動，自爆摸過對方身體，大讚傑仔做手術後健身成果驚人：「結實到好似木板。」她稱已答應任草蜢明年演唱會嘉賓：「即使後輩嘉賓叫到都會『還』，畢竟請嘉賓幫忙係唐突嘅要求。」
