張衛健訂凳練舞 勁過林峯
BIG FOUR開騷苦練絕技
BIG FOUR成員張衛健、許志安、蘇永康和梁漢文將於約兩星期後在紅館舉行演唱會，4子密鑼緊鼓綵排，蘇永康揚言會一齊表演樂器，必定帶驚喜給觀眾。梁漢文爆張衛健會表演蜈蚣彈和跳『林峯凳舞』，更指張衛健的動作幅度超越林峯。
將於8月9至11日在紅館舉行一連三場演唱會的BIG FOUR成員張衛健（Dicky）、許志安、蘇永康和梁漢文（Edmond），近日忙於綵排和練歌，誓以最佳狀態跟觀眾見面。Edmond笑言：「一定唔可以忘記有人要練蜈蚣彈同埋『林峯凳』……」眾人即追問Dicky練習進度如何？他說：「使唔使用2,000幾呎排舞室嚟練？你畀個廁所我練吓就得啦！」Edmond笑言：「你要做30幾下，成條沙甸魚咁，動作幅度大過林峯好多！」
安仔突然爆料：「聽講你訂造咗張凳！」Dicky笑言：「係訂咗張凳，但唔係姓林，係姓張 。今次擔保鍾意BIG FOUR嘅朋友，即使以前睇過我哋表演，都一定未見過我哋咁做，亦唔會諗到我哋會咁樣做。」並預告有大驚喜，叫大家上網撲飛，不過安仔和蘇永康笑言：「啲飛一早賣晒啦！」
建議許志安着旗袍唱歌
蘇永康說：「今次我哋4個會做一個樂器演出，大家花咗唔少時間排練。Dicky真係付出好大努力，事實上呢部分佢都好期待。」Dicky揚言：「係，光宗耀祖就靠呢一Part！」他們越練越Fit，問到會否騷肌派福利？安仔表示不一定性感，但造型必定特別。Dicky建議安仔着旗袍唱《喜歡你是你》，Edmond即說：「要開衩高到上腰！」
