周嘉洛自稱單身 冇資格拍戀綜
網民力推參加《男神配對計劃》
無綫戀愛綜藝節目《女神配對計劃》大受歡迎，不少網民都希望推出男藝人版《男神配對計劃》，更點名周嘉洛與吳偉豪參加。盛傳與陳瀅打得火熱的周嘉洛昨日出席活動時聲稱單身兼不想拍拖，沒有資格拍戀綜。
無綫處境劇《愛·回家之開心速遞》昨日在將軍澳電視城舉行「Welcome Summer」活動，劉丹、呂慧儀、張景淳、周嘉洛、吳偉豪和姚焯菲（Chantel）等出席，眾人大玩遊戲，氣氛熱鬧。吳偉豪表示有追看《女神配對計劃》，直指5位女神都有壓力：「女神每一個決定都會令觀眾、網民有意見，會話『唔應該揀佢，應該揀嗰個』，唔係個個Handle到。」周嘉洛則說：「節目好真性情，真係性格好好上到去先會紅，我上去一定俾人鬧死！」問到覺得《愛》劇還有哪位女演員適合做「女神」？周嘉洛覺得只要是單身女藝人都有資格：「不過唔知大家嘅感情狀態，亦唔會刻意去問，加上要當事人本身想拍拖，所以好難話邊個適合。」
提到早前無綫社交平台向網民徵詢哪位男藝人適合參加《男神配對計劃》，結果周嘉洛、吳偉豪有份被選中。問到兩人是否符合單身資格參加？吳偉豪說：「感情嘅嘢唔多講啦！」周嘉洛則稱：「雖然我冇女朋友，但感情太過豐富嘅節目唔適合我，我亦冇拍拖嘅慾望。」
Chantel預告出新歌
呂慧儀早前半工讀完成牛津大學課程，她表示當時修讀為期兩個月的短期課程，主要想增值自己：「我覺得自己喺經營同管理教育中心方面有不足，所以趁有機會進修。」她坦言剛開始重拾學習時相當吃力，但能與兒子一同讀書很開心，後來掌握學習節奏便開始輕鬆。Chantel預告本月26日推出今年第2首新歌，更是她首次有份作曲。問到會否覺得今年只出兩首歌太少？她說：「今年我做過嘅所有嘢都滿意，如果我再出更多，覺得冇咩時間可以管理，因為我中間要演音樂劇，跟住又拍《愛·回家》，好多嘢要Handle，所以其實好多方面都做齊。」
