葉童黃德斌唱出心底話
由葉童和黃德斌主演的舞台劇《唔講得》將於9月4日至7日在香港文化中心大劇院重演，日前兩人與拍檔楊永德、翁煒桐和李俊樂進行新一輪排練，葉童說：「今次同德斌再合作有一種熟悉嘅距離感，唔知係咪一種感情嘅昇華，就好似要行番遠少少去觀望佢嘅嗰種感覺。我唔知德斌點諗，但我覺得佢好似避緊我，佢開始對我有距離感！冇嘢嘅，我接受到嘅，有啲你唔想講嘅就唔好講，我明有啲嘢係唔講得嘅。」
葉童笑言今次重演有新嘗試：「我同德斌本來喺個劇度鬧交，鬧鬧吓就不如『唱』好似好啲。」德斌說：「我哋會喺現場互『唱』 ，將心底話『唱』出嚟。」葉童說：「我唔單止會獨唱樂壇大姐大嘅歌，我仲會同德斌合唱一首天王天后級嘅歌，去『唱』出我哋喺劇入面嘅心情。」
