Mani囡囡曝光 天生明星相
母女檔影寫真慶生日
金牌經理人霍汶希（Mani）昨日生日，今年收到一份超級特別的禮物，就是跟14歲囡囡Hanni首次一齊拍攝雜誌封面及寫真。今次是Mani首次讓愛女曝光，網民紛紛讚Hanni完全遺傳了母親的美貌，是天生明星相：「看來英皇要簽多個新星！」
霍汶希昨日於社交平台分享「生日彩蛋」，興奮留言：「Hanni一眨眼已經高過我，已經係可以同我並肩企喺鏡頭面前淡定擺Pose嘅少女喇！」Hanni完美遺傳媽咪基因，首次拍攝封面零怯場，更被Mani讚勇敢：「你帶畀我好多驚喜，同我一齊創造呢份獨一無二嘅回憶，係最好嘅禮物！」不少網民都讚Hanni遺傳了母親美貌，指她天生明星相，叫英皇盡快羅致Hanni做旗下藝人。
兩母女互窒似朋友
今次拍攝更爆出母女搞笑日常，化妝期間，Hanni竟然投訴：「媽咪戴假睫毛睥我！」Mani反擊說：「唔好成日用呢啲樣呀阿女，畀啲面好喎，大佬！」Hanni即時變臉擺出乖巧樣望鏡頭，更寸媽咪：「有鏡頭對住我就會咁樣。」Mani無奈說：「你唔好扮嘢呀！」Hanni不甘示弱說：「你都唔好扮嘢。」最後Mani忍不住笑言：「我哋嘅關係真係好好㗎！」問到第一次影雜誌相有何感受？Hanni笑言：「好玩！」Mani大讚囡囡：「佢好放鬆，係個有自信嘅女仔。我最重點教佢人品，因為做乜嘢人都好，人品最緊要。」
今次拍攝記錄兩母女的重要時刻，Mani坦言對自己和Hanni都意義非凡，因囡囡快將到外國讀書，今次拍攝成為她們最甜蜜的回憶。問到有何生日願望？Mani感性望着囡囡說：「新嘅一歲，我最大心願依然係你能夠平安喜樂。」
