江嘉敏收起火爆 林穎彤學懂釋懷
經歷是非 急速成長
前無綫女星林穎彤與江嘉敏日前接受HOY主播王凌燕專訪，分享離巢和昔日是非的感受。身形時肥時瘦的江嘉敏承認以前很火爆，會跟網民「駁火」，林穎彤則坦言經歷官司後，心理上急速成長，學懂面對任何難題都要釋懷。
林穎彤（Bella）與江嘉敏（Kaman）於無綫工作多年，但從未合作，最近兩人首度合作主持HOY節目《好好生活》 ，為觀眾介紹不同產品和服務，希望令大家生活愈來愈好。童星出身的Bella笑言：「以前見過，但未合作過，有聽過Kaman姐嘅大名。」Kaman反擊說：「Bella姐，你講呢啲！我係睇Bella姐嘅節目長大！今次終於可以坐喺你身邊做節目，其實幾興奮。」
兩人離開舊東家不算太久，Bella覺得是一個人生階段，她說：「好似完成咗呢個階段嘅功課，依家又有新衝擊，嗰團火仲喺其他地方重新燃起，有好多新鮮感 ，呢種感覺比較多，而唔係壓力，我覺得正面嘅。」Kaman則說：「諗番當日打算離開，其實好緊張，因為喺舒適圈咁耐，所以啱啱踏出呢個圈就覺得大件事，成日覺得自己好多嘢做唔嚟！但慢慢嘗試，再加上身邊好多同事鼓勵我，慢慢覺得自己有進步，呢樣係最開心。」
Kaman自爆花名「道具焚化爐」
提到以往的是非，Kaman說：「經一事長一智，可能以前心口掛上勇字，有咩事發生都會衝出嚟。我以前係辣椒，好火爆炸藥咁款，誇張到見親網民抨擊話我唔靚，我會逐個回覆。」身形時肥時瘦的她自爆以前花名叫「道具焚化爐」：「我唔鍾意浪費，我見到枱上有食物，會忍唔住消滅佢。但後來覺得唔妥，所以飲食變得健康。」
Bella的擾亂罪官司最終被判罪名不成立，但當時被羈留3天及遭公司雪藏，她表示已釋懷：「嗰時煎熬咗一年，但終於還自己一個清白，釋懷咗，心理上都有所成長。人生要有唔同課堂，可以學習唔同知識，我覺得今次自己學咗好多嘢。」
