綵排個唱突失聲 鄧麗欣欲哭無淚
鄧麗欣將於9月在澳門開演唱會，消息公布後反應熱烈，近日更決定加開一場。正當她努力為個唱綵排，但突然病倒！她於社交平台拍片談病況，並上載一張接受針灸治療的照片。片中的她雙眼通紅和聲音沙啞，我見猶憐。
鄧麗欣欲哭無淚地說：「好耐未試過把聲咁樣，唔知點解！之前咳咗好耐，原本就已經好番，但係突然之間……突然之間尋日練完歌之後，又咳番喎。咁咳完之後呢，今日就失聲喇！我係咪好性感呀把聲？」她又留言：「兩日前就係宣布演唱會加場那天，我把聲咁樣，所以心情非常複雜，不過放心，經過針灸之後，今日把聲好好多喇。要做好任何事情，健康都是首要。身邊好多朋友都病，大家真的要注意身體，祝願大家都身體健康。」不少粉絲都叫她好好休息戰勝病魔。
