葡妹大報復 追數冇面「比」
女子歐國盃B組另一仗同時上演，葡萄牙女足鬥比利時女足。葡萄牙女足兩戰只得一分，想出線今仗必須贏波，同時指望西班牙擊敗意大利，並追回目前落後6球的得失球差，出線形勢處下風。不過首先要做好自己本份，才可旨意西班牙幫助，今仗必然開波即喪攻，兩戰皆北的比利時已篤定出局，也無死守必要，今場吼﹝2.5/3﹞大盤。（HOY App周六3:00am直播）
世界排名22的葡萄牙女足，上輪後上逼和意大利，顯示永不言敗精神。今仗既要贏亦要入得多，肯定會心急搶攻，只是球隊防線不濟，近月在歐國聯的表現也令人失望，上月主場淨吞現時排名20的比利時3蛋，今仗除爭出線外亦有復仇決心；比利時女足防線比葡萄牙更洩，但前線火力卻甚有睇頭，上輪雖大敗於西班牙腳下，但一度追和2:2顯示強大入球能力，何況今戰雙方陣容與上月對賽時分別不大，自然有信心再勝對手，力爭在今屆大賽開齋，兼擺脫包尾位置，預期入球不會少。
