羅家英打抗癌針 體質變虛弱
冇諗過減少工作 忙到11月
「2025亞太國際電影節年度頒獎盛典」昨日舉行，出席頒獎嘉賓有呂良偉與太太楊小娟、羅家英、陳雅倫等。78歲家英哥日前透露第4次患癌，昨日現身活動時表示打抗癌針後體質變得虛弱，但工作依然排得密麻麻，目前已安排至11月。
家英哥早前表示最多剩9年壽命，更不會做化療和電療，太太汪明荃（阿姐）表示尊重他的決定。昨日家英哥西裝骨骨現身活動，精神不俗。他先跟大家打招呼：「大家好，身體健康、萬事如意。」問到身體狀況如何？他表示目前沒有什麼大問題，但要多休息以免操勞，因為打針後身體變得虛弱，糖尿增高及貧血，又不夠氣，要多睡覺及散步。問阿姐可有叫他少去人多的地方？他笑言：「阿姐叫我即刻走，唔好俾咁多人訪問，訪問係最嘥氣嘅。」
「阿姐對我和藹咗好多」
家英哥透露現時要定期做檢查，昨日見完糖尿病醫生，醫生直指他的情況好嚴重：「明（今）日開始打針，打一世，跟住再去睇泌尿科醫生，再打女性荷爾蒙針。」可要看護貼身照顧？他表示不需要。問阿姐是否私家看護？他笑言：「佢俾我看護。（阿姐照顧你飲食？）佢對我和藹咗好多。」
提到日前他為莫文蔚在西安舉行的演唱會擔任嘉賓，家英哥稱當年在西安第一次與莫文蔚合作，大家有個回憶，故對方也請來為搞笑版《Only You》填詞的梁華生來個「大話西遊31年大聚會」。問到之後會否減少工作？他說：「依家忙緊做話劇（《驢得水》），仲有20場，要去鄭州、山東同內蒙古巡演，之後返嚟又要做粵劇，11月又去不丹，同阿姐拍旅遊節目。」
同場的呂良偉擔任頒獎嘉賓，同時獲頒「長青藝術家獎」，他笑言自己的確「長青」，因至今仍在拍電影。他透露兒子現年24歲，正於北京工作，暫時沒拍拖，但太太想飲新抱茶。楊小娟笑言：「其實我哋冇所謂，但結婚太早喇，希望佢學多啲嘢先。」
陳雅倫單身多年
陳雅倫穿上火紅低胸長裙出席盛會，非常搶鏡。她指近年一直於內地發展，經常獲邀參加頒獎禮及擔任選美評判，今次特別回港當頒獎嘉賓。她坦言近年少拍戲：「我主要都係做抖音同粉絲傾偈，冇諗過可以再同我出道就追隨嘅粉絲聯絡，佢哋依家都事業有成，會搵我做代言人、剪綵。」問到感情生活？她直言單身多年：「如果搵到個伴開心還可以，但若果要我去將就，我呢個年紀就唔需要喇，依家亦唔覺得有人追求。」
