《愛·回家》衝出國際 古佩玲嗌OMG
美國歌手Charlie Puth睇無綫劇 引爆網民討論
無綫處境劇《愛·回家之開心速遞》迎來超級驚喜！美國著名歌手Charlie Puth前晚在Ig限時動態上載於酒店房睇《愛》劇的短片，引起網民熱議，恭喜《愛》劇衝出國際。有份演出的古佩玲坦言不敢相信，更開心得先後高呼兩次「OMG」！
正在內地舉行巡唱的美國歌手Charlie Puth，前晚在酒店房間收看電視節目，正是《愛·回家之開心速遞》，他還將看到的片段拍成短片放上Ig限時動態，旋即引來大批網民討論：「估唔到Charlie同我同步睇緊同一樣嘢。」並恭喜《愛》劇演員衝出國際，更有網民笑指Charlie不用英文字幕，都看得懂劇情，相當厲害。
姚焯菲希望Charlie睇得開心
前晚有幸現身Charlie Ig限時動態的演員分別是古佩玲、姚焯菲及周嘉洛，古佩玲受訪時興奮得先後高呼兩次「OMG」：「Oh my god！我啱啱先知，有好多朋友cap咗相forward畀我，但我都係今朝先睇到，好興奮呀！估唔到可以出現喺Charlie Puth嘅限時動態入面，好震驚，Oh my god！」
姚焯菲說：「非常驚喜，亦好開心Charlie支持我哋。好多朋友都有發信息畀我，佢哋都好驚喜。希望Charlie就算聽唔明白，都睇得開心。」周嘉洛則說：「聽講佢巡迴演出緊，應該喺酒店度悶悶地，唔覺意碌到我哋。」
現年33歲的Charlie憑電影《狂野時速7》歌曲《See You Again》、《We Don't Talk Anymore》等爆紅，在亞洲擁有極高人氣。現時他於內地進行巡迴演出，日前已完成深圳站。
