Anson Lo拋開遺憾 勇往直前
與5000神徒慶30歲生日
MIRROR成員盧瀚霆（Anson Lo）前晚在亞洲國際博覽館舉行盛大生日派對，與5,000神徒（粉絲暱稱）一齊慶祝。踏入30歲的他覺得是人生轉捩點，會拋開以往的遺憾和挫敗，勇往直前。他指除了家人外，最希望可以照顧每一位神徒，大家每日都開開心心。
盧瀚霆昨日30歲生日，前晚在亞洲國際博覽館提早舉行《Together We Celebrate》生日會，邀得好友練美娟擔任司儀，吸引5,000神徒參與。當Anson Lo現身時全場尖叫，他亦非常「寵粉」，向每個角落的神徒打招呼。
Anson Lo先與神徒玩兩個小遊戲熱身，然後在場內坐粉紅色花車繞場唱歌，近距離親近神徒表達謝意。他說：「成日聽人講29+1，其實可以直接講30，我唔介意！係呀，我今年30歲喇，除咗越嚟越Man啦，我覺得都係一個轉捩點，一啲以往嘅遺憾、挫敗都擺埋一邊，要勇往直前先！除咗事業，我覺得承擔感都重咗好多，除咗照顧屋企人嘅責任，仲有照顧每一位神徒，想每一日大家都開心，你哋靠住我嘅時候都有被保護嘅感覺。」
未能透露年底開騷詳情
早前有傳Anson Lo於12月開個人演唱會，但當司儀提到年底開騷時，Anson Lo一臉驚訝說：「我驚其他嗰啲未講得，一陣間又世界大亂！不過我生日唔驚啦，總之係12月好頭嘅時間，單位數字嘅，2同7都係我幸運號碼，大約係咁啦。」之後他解釋不公開實際日期是因為若果加場，有機會令首場日期有變，故暫時要保密。他亦有交代手術後的康復進度：「其實開頭冇諗住同大家講，驚講出嚟嚇親大家，但原來都冇乜用，大家都係好擔心。放心冇事喇，依家已經好番9成，再過一星期應該可以100%康復！」
