女狂牛「比」力追半大
及早奠定首名至輪換
女子歐國盃分組賽第2輪，冠軍大熱門、世界排名第2西班牙乘勝追擊，出戰第20位比利時。「女狂牛」首輪5:0輕取葡萄牙盡顯超班級數，球隊習慣早着先鞭開波即搶，只要今仗順利贏波便可確保出線，到最後一輪分組賽可以輪換留力淘汰賽，預期今仗仍會落力搶攻；比利時防線脆弱根本無法抵擋，但前線卻有一定入球能力，投注首選﹝1.5/2﹞半場大盤。（HOY TV 76台周二12:00am直播）
今屆首輪分組賽已全部踢完，綜觀各隊表現，西班牙女足明顯鶴立雞群！原本預期會有威脅的德國及英格蘭，計表現根本相形見絀，難怪「女狂牛」冠軍賠率已落飛到1.85倍。該隊首輪面對葡萄牙，開賽僅7分鐘已領先兩球，半場已帶着4:0優勢返更衣室，教頭杜美易邊後可以不斷換人收起主力，但即使下半場整體表現有收韁感覺，仍能輕鬆大炒5蛋。事實上若非葡萄牙女足大幅落後仍充滿鬥心，頻頻以超技術犯規搶截，「女狂牛」入球隨時更多。
西班牙女足王牌球星佩迪拉絲，首輪重拾勇態入靚波兼不停策動，盡顯大將之風、射手伊絲達干莎莉絲梅開二度，保持高把握力、18歲小將域琪盧比斯亦入波兼有耀目演出。由於中前場人才濟濟，威力極強的翼鋒巴塞賓娜及皇馬迪卡絲迪露只能各踢半場，早前患腦膜炎的近兩屆金球獎「足球小姐」邦瑪迪，只後備上陣踢了10分鐘。這批猛將勢必把握每次上陣機會，爭取在淘汰賽獲得主力位置，今晚遇弱會繼續搶攻，力求盡早奠定勝局。
比利時女足 突擊入到波
比利時女足首輪不敵實力一般的意大利，基本上已難有爭出線機會，今仗無壓力下會放開懷抱與西班牙較量。球隊防線實力不濟，今年多次遇強都大敗而回，但踢反擊卻經常可以取得入球，今年2月及4月於歐國聯兩鬥西班牙，作客僅輸2:3，然後主場輸1:5，連仗都能取得入球，更曾作客大炒首仗不敵「女狂牛」的葡萄牙3蛋。今仗再遇西班牙女足不會坐以待斃，沒有死守的必要。
