曾展望發誓《女神》冇劇本

  盼有代表作 令母親自豪

  曾展望(GM)參加無綫戀愛真人騷《女神配對計劃》力追「女神」葉蒨文(Sophie)一夜成名,由於兩人在處境劇《愛·回家之開心速遞》有感情戲,不少觀眾都希望兩人現實中修成正果,但同時有人質疑是節目組的編排,GM接受本報訪問時發誓絕無造假,更大談感情和事業展望。

  採訪:梁靜儀 攝影:郭木又

  近日GM曝光率極高,除了主持直播節目《奇情谷》外,同時參與《女神配對計劃》,他於首集大膽向Sophie示愛,迅即成為網上紅人。他謙稱是大家畀面支持,自己沒想過節目播出後有如此大回響:「見到好多評論支持我,有啲搵番我之前嘅作品出嚟,重新睇多次,再Send番畀我睇,都覺得幾有成就感。」

  談到不少觀眾質疑他在《女神配對計劃》跟劇本演出,GM發誓絕無此事:「真係冇,如果係對白,我就係一個好好嘅編劇。(點解唔私下追Sophie?)如果我私下追,我要喺節目度睇住佢俾其他人追,我又唔係好Happy,所以我就上節目。」並笑言當時已預了「食檸檬」。談到心目中的女神條件,GM表示喜歡開朗、幽默的女生,外形則沒有特定要求。至於是否要對方欣賞他的爛Gag?他笑言:「任何人都鍾意其他人欣賞自己,呢個都係溝通方法,我會歸納為『夾』嘅一種。」

  靠真誠追女仔

  GM透露拍過4次拖,入行後曾拍過一次拖,對方是圈外人,不過最後雙方因性格不合而分開。在節目上憑真情剖白冧掂Sophie,他笑言:「我好少特登去追一個女仔。(俾女仔追?)又唔好咁講,係自然情投意合,我都係慢熱嘅人,通常係一大班朋友開始,傾落慢慢了解再開始。」談到追女「必殺技」,他認為是真誠,很怕左瞞右瞞。

  GM不諱言母親希望他從事收入穩定的工作,所以如果28歲做不出成績,就會轉換跑道去做廣告,幸好他在限時3個月前做出小成績,連原本不太贊成他入行的母親都改口,他笑言:「因為自己想繼續做呢行,一直有諗過點說服媽咪,好彩今次得到大家支持,媽咪都同我講『阿仔我支持你』。」GM因爸爸早逝,作為家中長子的他希望可以再肩負多些家庭負擔。對於演藝事業,GM希望再下苦功,將來有一部代表作,屆時可以在宣傳海報上簽名送給母親,令她自豪。