泰臣邀劉松仁 任舞台劇旁白
泰臣近日擔任天主教聖瑪加利大堂100周年舞台劇《百年人海》導演，邀得劉松仁擔任劇組顧問。日前兩人為舞台劇拍攝宣傳片，未埋位已密密傾劇本。松哥笑指多年來已學懂「抽離」，今次未有趁機發掘「徒弟」：「我做戲做完就係做完，但每次跟項目都好大壓力，因為我要反覆推敲，要代入觀眾嘅角度發現問題，同時要諗定點解決！」
松哥表示未曾與泰臣合作，但曾觀看對方演舞台劇，留下深刻印象：「之後睇佢喺TVB做戲，覺得佢好突出，留低一個好好印象畀我。我唔知佢做導演嘅功力有幾多，但見到佢好投入、好認真，搵咗佢返嚟呢個係聖堂嘅福氣。」泰臣喜獲松哥認同，定必使出渾身解數，更自爆邀對方「出山」任劇組旁白：「但佢冇覆我！不過佢啱啱話『賣關子』先，即係都仲有彎轉，有機會嘅！」
