連詩雅年紀大簡單食飯慶生
連詩雅與梁諾妍昨日錄影港台節目《港樂·講樂》聯乘《跑者愛也》，適逢昨日是連詩雅生日，歌迷準備了生日蛋糕替她慶祝。連詩雅笑言收工後跟老公陳家樂簡單吃飯︰「今年係第一年有囡囡陪我過生日，舊年佢仲喺我肚入面，所以同老公二人世界後，會立即返屋企陪囡囡。」她又稱女兒下月一歲生日，視乎工作情況會為女兒搞生日派對。問到老公有何表示？她說：「就係食一餐飯，因為人大咗，都老夫老妻，唔使估來估去畀驚喜，我直接話想要一部專業級耳機，佢就帶我去買。」
梁諾妍自嘲不及老公洪永城細心：「之前父親節送咗網球用品畀佢，因為佢近期愛上打網球，但結果唔合佢心意。原來佢一直明示想要一部手提遊戲機，可惜我完全忘記咗。」她笑言待結婚周年紀念才補送遊戲機給老公。
