梁詠琪食得健康 做人阿媽唔病得
梁詠琪昨日出席香港防癌會舉行的《愛的冒險罐》兒童繪本香港版發布會，擔任愛心大使及故事的聲音導航，並即場跟小朋友講故事。問到女兒會否呷醋？她笑言：「唔會，我拍劇同電影都有仔女，個女已經習慣。」
她表示為母則強，不能病倒：「作為媽咪唔病得，如果病咗小朋友點算？自己病嗰陣唔可以照顧小朋友，小朋友又唔開心。」
她自爆家姑曾患乳癌，當時家姑居於西班牙加上疫情，老公十分擔心，只能透過網上及傾電話送上關心。梁詠琪指女兒當時年紀小，好奇和不太明白患病的辛苦。她覺得世事無常，故盡量吃得健康，但如真的病了，會以樂觀心態面對。不過她自爆上月又確診新冠，休息了一陣子。
