軒仔贈生B秘方 賀Tyson結婚
相隔4年出新碟 接受「再培訓」
張敬軒相隔4年再出新碟，為了令歌迷有新鮮感，唱功了得的他接受「再培訓」，找歌唱老師學唱歌。對於好友Tyson Yoshi快將結婚，軒仔笑言要送家傳生B秘方給對方：「我媽媽有好多『一擊即中』嘅秘方！」
張敬軒、江𤒹生（AK）與蘇雅琳（Ivy So）前晚出席護膚品牌活動，軒仔透露剛於東京錄完新歌，主要想跟更多不同監製合作，原本他已有七八首歌完成錄音，但全部要重錄。問到錄好的歌豈非浪費？他說：「可以有唔同版本，而且搵得番，今日嚟賺錢就係用嚟重新錄歌。」
相隔4年再出新碟，軒仔坦言心情興奮，自爆專誠找歌唱老師學唱歌。記者指他唱功了得，為何仍要學唱歌？他笑言：「職業再培訓嘛，潮流變緊，過咗上一章節要有變化，要有新鮮感，開一個新章節。」他坦言近年主力做演唱會，很少走入錄影室：「始終令我可以行得更遠嘅係作品，而唔係社交媒體或人氣。」提到好友Tyson Yoshi宣布將於歐洲舉行婚禮，軒仔笑言：「我諗過送金豬，但過大禮應該有，同埋佢兩個真愛無敵，想送啲實際嘢，就送生BB秘方！我媽媽有好多『一擊即中』嘅秘方，係我張家家傳！」
對於有傳好友鄭欣宜加盟環球唱片，並參加內地節目《歌手2025》作為復出，軒仔表示沒刻意聯絡欣宜：「每個歌手去到下一個里程碑前都會想休息，可以更清晰知道之後想做乜嘢。欣宜好叻，會搵到一個新嘅方式再出發返樂壇。」
AK做演唱會嘉賓壓力大
AK將於本周六與MIRROR隊友Lokman、Alton及Frankie舉行小組演唱會，AK坦言暫時心情不算緊張，反而之前擔任麥浚龍演唱會嘉賓壓力更大，因《（一個男人）一個女人和浴室》很難唱，但獲前輩邀請做嘉賓好開心。至於COLLAR將於8月開騷，Ivy笑言目前籌備進度仍是零，但開心門票於一小時內售罄，希望可以加場。
