姜濤精神奕奕 派心氹粉絲
墮海翌日如常出席活動
「人氣王」姜濤前日發生墮海意外，令粉絲擔心不已！不過昨日他如常出席活動，更頻頻豎起拇指和派心跟粉絲互動，明顯健康狀況良好！
男團MIRROR成員姜濤前日在西環墮海，事後社交網報平安，以及表明昨午5時30分如常與隊友盧瀚霆（Anson Lo）、呂爵安（Edan）及李駿傑（Jeremy）出席在旺角麥花臣場館舉行的《呂濤米Lo Seoul》旅友旅途分享會，吸引大批「Miro」（MIRROR粉絲暱稱）到場。姜濤於兩個小時前乘坐保姆車到達場館，現場有大批警員設置圍欄維持秩序。活動開始前，約200名「姜糖」（姜濤粉絲暱稱）在場館旁的籃球場集合，並高舉「姜濤」燈牌及齊聲高呼：「姜濤！加油！我哋支持你，Yeah！」出盡力為偶像打氣！
不過分享會舉行前，主辦方突然宣布部分環節延至下月29日舉行，昨晚只進行20人一組與「妹豬組」成員合照的環節。
網上流出姜濤、Anson Lo、Edan及Jeremy亮相活動的照片，墮海後首度見粉絲的姜濤精神不俗，並親自向在場的Miro報平安：「歡迎所有Miro，雖然今晚有啲活動舉行唔到，但我哋都會用百分之百嘅努力去令大家開心，希望大家有一個美好嘅夜晚。」司儀叫姜濤報平安，他說：「冇錯！I'm fine， OK！」全場粉絲報以極大歡呼聲，姜濤續說：「所以唔使擔心！」當「姜糖」不停高呼偶像名字，姜濤識做豎起拇指及派心，氹得「姜糖」開心大叫。
Anson Lo一星期前做手術
至於Anson Lo明顯抱恙出席，他進場時步履緩慢，以及頻頻用右手輕掩腹部。當司儀同樣叫他報平安，他說：「大家好，我啱啱做完手術一個禮拜左右，依家康復中，冇事嘅，我仲可以喺度見到大家。唔好意思，今日我哋嘅形式有啲改變，對於各方單位都好抱歉。好多謝大家咁體諒，同埋嚟咗見我哋，我哋一齊加油！」
