張繼聰出新歌 賀囝囝18歲生日
張繼聰全新單曲《Trash Talk（feat. 藍調人）》，特意選在兒子James生日當天推出，作為送給James的18歲生日禮物。張繼聰希望透過這首歌鼓勵兒子勇敢行自己的路，期待有一天能在籃球場上「one on one」見證兒子超越自己。
張繼聰說：「其實首歌早就作好，編曲都完成，但一直未諗到合適題材。直到有一次同太太（謝安琪）討論，想送一首歌畀James作為18歲生日禮物，但又唔想太過煽情，最後決定用搖滾風格表達。」他笑言若用慢歌處理，恐怕兒子會覺得爸爸老套，搖滾風格更貼合父子間的活力與默契。張繼聰表示籃球對他兩父子很重要：「James自細鍾情足球同排球，冇諗過佢長大後鍾意我最鍾意嘅籃球，呢樣嘢令我好開心。」
