與詹天文同日開騷 吉吉約定一齊慶功
周吉佩（吉吉）、羅啟豪、詹天文（Windy）和張馳豪（Aska）昨日到尖沙咀出席父親節活動，Windy透露完成活動後要趕回廣州，因今日要考試。提到有網民指她的簽唱會價錢不合理，她說：「有人攞我同前輩謝霆鋒個演唱會比較，但我想講演唱會同簽唱會性質唔同，簽唱會比較近距離同可以傾偈，加上籌備好耐，同埋價錢係公司安排，我做好自己表演就OK。」並趁機宣傳與姚焯菲和鍾柔美7月中在廣州開騷，票價只需499元，絕對物超所值。
同樣將在廣州開騷的吉吉透露與Windy同日舉行：「打唔打對台呢啲冇所謂，百貨應百客，最緊要夜晚約出嚟食飯，一齊慶功。」
