姜卓文多棲發展 拒走父親舊路
姜大衛和兒子姜卓文接受新城知訊台節目《Ben同Benson「Chur」到行》訪問，問姜大衛對兒子有何評價？他形容自己「老來得子」：「太太當年好勇敢生咗佢，呢個仔跟咗我哋近30年，叻唔叻就自己睇啦！唱歌做戲都得，但依家環境艱難，新人要等機會，唯有不斷增值自己。」
姜卓文坦言入行8年壓力不小：「星二代身份係包袱，好似唔衰得，行為說話都會被放大。」他選擇與父親不同的發展路線，投身音樂、參與飲食節目，甚至嘗試Rap，希望打破框架。姜大衛直言星二代不易做：「佢哋要做到120分先會被認可，所以唔好學爸爸，要超越先得。」他鼓勵兒子走自己的路，並笑言：「我哋以前訪問唔使化妝，依家化晒妝。」引來全場大笑。
