陳懿德媽咪 讚羅天宇好仔
戴祖儀單身多年 衰在太矜持
「東張女神」陳懿德（德德）早前被拍得偕母親跟羅天宇在餐廳用膳，德德昨日出席活動時笑指媽媽與天宇已成為好友，更爆媽媽讚他人品好，看來天宇行「外母政策」非常成功。
戴祖儀、陳懿德和游嘉欣昨日偕愛犬出席無綫節目《寵你一世》記者會。不過祖儀的狗仔突然失控，不斷追着嘉欣的狗女，場面搞笑，主持許文軒即取笑祖儀的愛犬與主人一樣「猴擒」。
提到日前德德與媽媽和羅天宇在茶餐廳用膳，氣氛融洽。問到天宇是否獲「未來岳母」開綠燈？德德承認與天宇是好朋友，但介紹天宇和媽媽認識後，兩人成為「好好」的朋友，會私下聯絡，因有高爾夫球、小動物和汽車等共同興趣話題，她笑言要改口稱呼天宇做「Uncle」。
問到陳媽媽可知天宇有「女神收割機」之稱？德德說：「媽媽只係用觀眾角度睇新聞，真正接觸後自有判斷。（媽媽覺得天宇好唔好？）媽媽認為佢係好男仔，心地好又孝順。」提到天宇樂意與她以「情侶檔」接工作，德德大表贊同，最想合作推廣美食：「我同佢係等緊一齊接工作嘅拍檔。（合作完關係有變？）可能，變成『正式拍檔』，哈哈！」
戴祖儀否認「猴擒」
被取笑「猴擒」的祖儀澄清：「呢個絕對係錯誤嘅解說！我單身咁多年嘅原因，就係衰在太矜持，做人太有要求，同我嘅狗狗一樣咁揀飲擇食。」提到她早前自爆出現一名瘋狂追求者，她稱沒有發展可能，不想給人假希望，故已斷絕來往。她說：「我本身性格好宅、有社恐又驚青，所以唔會去相睇，慶幸仲有追求者。」
嘉欣自嘲受歡迎程度不及愛犬：「佢真係好受歡迎，可能軟綿綿又香噴噴，好可愛。（同主人一樣多追求者？）佢比我更受歡迎同有更多追求者，因為唔單止人同狗仔，仲有其他寵物，堪稱係任何品種都鍾意親近佢。」
