許靖韻唱慘歌 遭球迷「投訴」
啟德主場館演出 感覺夢幻
前晚啟德主場館上演「2027亞洲盃外圍賽」中國香港足球代表隊大戰印度，除了場內激戰精彩，嘉賓表演同樣吸睛。許靖韻（Angela）、女團VIVA以及於ViuTV節目《足球女將》奪MVP的郭思（Suey）輪流登場，Angela更被球迷「嫌棄」唱歌太慘情，非常搞笑。
打頭陣表演的許靖韻選唱《K歌之王》，音樂前奏一響起，即被場邊球迷嫌棄：「可唔可以唔好唱隻咁慘嘅歌呀？」不過Angela依然成功引到球迷一齊大合唱，十分搞笑。表演完後，Angela表示：「綵排時已經覺得好震撼，睇波時仲熱血，大家一齊嗌加油真係好正。可以喺香港最大嘅場館入面演出，係好夢幻嘅事。」問到會否想在啟德開騷？她笑言：「要繼續畀心機做多啲歌先得。」
VIVA首次入場睇波
出道短短一年的女團VIVA能踏上啟德主舞台，當然興奮莫名，她們說：「觀眾多到嚇親！」提到開騷大計，她們齊聲表示：「等我哋儲多啲歌先啦，可能要等多5年。」原來4人都是首次入球場欣賞賽事，不過成員VALC表示之前睇過世界盃決賽：「試過凌晨三四點起身睇阿根廷對法國。」
中場表演的Suey亦稱非常難忘：「第一次喺啟德就打爆5萬人，我覺得係一件可以寫入CV嘅事，哈哈！」身為足球狂迷的她自言「乜波都睇」：「除咗英超、西甲，前排歐聯、歐霸我都有睇。」更自爆追星威水史：「嗰次去西班牙，純粹係睇波團，最印象深刻係見到美斯入4球，係皇馬對巴塞。當時C朗已經離開咗皇馬，所以佢冇落場踢，但發現C朗坐喺我後面包廂，所以我同佢嘅距離係好近，勁開心！」
