阮浩棕追求完美 反被網民批造作
陳山聰、阮浩棕與日本美食達人陳方藤主持的無綫節目《人生美食地圖—東京篇》正在熱播，台前幕後前晚於銅鑼灣食晚飯慶功。首次遊日的阮浩棕大讚當地美食好味，挑戰吃光了一碗一公斤的魚生飯：「不過我輸畀一碗足夠我食三餐嘅拉麵，佢哋話當地人平常都係食到一碗。」他又稱：「知道有網民話我喺節目啲表情好假、好造作，依家先發現原來太想準備好、太想追求完美，就會令人覺得好假。」
談到若開拍下一輯，想不想體驗當地夜店？阮浩棕笑言：「我自己就唔敢去，但如果拍嘢就OK。」山聰坦言遊日多年，但從未到過夜店：「以前後生『窮遊』去唔成，依家去日本一定帶埋老婆同囝囝，同樣去唔成。所以下次一定要拍，自己去見識要畀錢，去拍嘢就唔使畀錢，哈哈！」
